|
2008-04-09- Exitoa sufrimenduaren ondoren. Axiok Jeep Alcobendasi irabazitako partiduaren berri eman digu.
AMPO ORDIZIA 28 – JEEP ALCOBENDAS 20
Azkenean lortu egin dugu. Gure helburua zen eta hemen dago. Beste urte batean DHAn. Sari bat gure klub txiki hau osatzen dugun jendearentzat, eta baita, nahiz eta txikiak garen, dauzkagun jarraitzaile piloarentzat. Eta beraiei ere gure eskerrik beroenak. Igandekoa benetan hunkigarria izan zen. Jokalariak beroketan ari zirela, txalotuta pertsonen ondoan pasatzen zirenean. Garaipenaren ondoren disfrutatuz, aurkariari txalotuz ere bai. Hunkigarria benetan. Sorte eta animoa opa diet Alcobendaseko madrildarrei. “Galtzaile” duinak izan dira. Jokoa sortuz, aurkaria errespetatuz, bukaera arte borrokan, kirolariak bezela porrotaldia onartuz…Detaile txiki pilo bat bere alde daudenak. Ea toki bat daukaten hurrengo txapelketan, 12 ekipoko liga egingo balitz. Neretzako liga hori tajuzkoagoa da. Partiduko zenbait xehetasun aipatuko nituzke, baina zenbait gauza garrantzitsuekin geldituko naiz. BAT. Ekipoak jasan behar izan duen tentsioa martxoak 2tik aurrera, Sevillan partiduan masakratuak izan ginenetik. Handik aurrera bakarrik balio zuen irabaztea. BI. Jokalariak adierazi duten mentalitate ona, handik aurrera. HIRU. Bereziki azken partidu honetarako, JOANES kapitainaren irudia, erabateko elkartasuna aldageletan. (Egia da bizitu behar dela jakiteko zer den). ETA LAU. Hasiera on baten ondoren, puntu errenta potoloa lortu eta gero, bi akats kondenatu gintuzten berriro, atsedena baino lehenago, markagailuan 18-20 galtzen gindoazelako, “mentalitate erreazkioa” batxea gainditu, eta azkenean inposatu genuen gure jokoa bigarren zatian. Insistitu egin behar da “psikologia” zer garrantzia dauka rugbyan. Denboraldia osoan zehar gure borroka izan da, eta azkenean ez dugu hutsik egin. Honi PASIO karga handi bat gehitzen badiogu, emaitza da txapelketarako errendimendu ideal bat. “ASKO SENTITU BEHAR DA EKIPOA, BATAILAN BERAREN ALDE BORROKATZEKO”
ZORIONAK. AXIO |
