|
2008-03-12- Jon Txurrukak Bera Bera - Garabi Ordizia jubenilaren berri eman digu.
Bera Bera 32 – Ordizia 15 Beste porrotaldi bat. Ekipo honen aurka lehenengo bueltako partidoa, Altamiran jokatutakoa, eta nahiz eta galdu, lan ona egin genuen. Hala ere, oraingo honetan ezin dugu gauza bera esan. Gehiago esango nuke, nik esango nuke ez duela isladatzen zelaian ikusitakoa. Batez ere lehenengo zatian, baina baita bigarren zatian ere. Bigunak izan ginen plakajean, desantolatuta egon ginen eta bururik gabe jokatu genuen. Eta horrela zaila da Euskadiko ekipo onenari irabaztea. Esan daiteke gainera Julen atzelari jokatzea ez dela entrenatzaileok egin genezakeen zuzenena edo antzematen dela zenbait jokalariren baja (Imanol eta Alan, adibidez). Baina uste dut, benetan, egia izkutatzea izango litzaketela. Oinarrian uste dut ez genuela partidoan gehiegi inplikatu nahi izan. Galdutzat eman genuen hasi baino lehenago. Ez dago asko gehiago kontatzeko. Eta emaitzetan ilusita, Bera Bera lehenengo geldituko da eta Atletico San Sebastián bigarren. Bakarrik edukiko dugu hirugarren gelditzeko aukera. Baina horretarako dena eman beharko dugu. Eta azkenik, lau izen aipatu nahiko nuke. Alar eta Imanol Mendizábal bere adorearengatik. Dena kontran zegoela, zeukaten guztia eman zuten. Ander Sarriegik hiru entsegutatik bi lortu zituen ( gogora dezagun kadetea dela) eta Oier Oiarbide, baita kadetea ere, eta bigarren zati guztia jokatu zuen. |
